सेतो खबरद्वारा प्रकाशित गरिएको हो |
काठमाडौं– होटल संघ नेपाल (हान) र पर्यटन तथा होटल क्षेत्रमा क्रियाशील तीनवटा मुख्य ट्रेड युनियनबीच काममा नलगाइएका होटलका श्रमिक र कर्मचारीलाई दिने सुविधा सम्बन्धमा सहमति भएको छ ।
संघका पदाधिकारी र मुख्य तीनवटा केन्द्रीय ट्रेड युनियनका अध्यक्ष तथा पदाधिकारीबीच कोरोना महामारीका कारण होटलको कारोबार पूर्ण रूपमा ठप्प भई व्यवसाय नै धराशयी भएको बेला ती प्रतिष्ठानमा कार्यरत श्रमिक तथा कर्मचारीको पारिश्रमिक भुक्तानीका विषयमा नयाँ सहमति भएको हो ।
श्रमिक तथा कर्मचारीको जीवनयापनसहित रोजगारीमा सहजीकरण होस् भनेर नयाँ सहमति गरिएको हानको विज्ञप्तिमा उललेख छ ।
सहमति अनुसार अब पाँचतारे होटल तथा रिसोर्टमा कार्यरत श्रमिक तथा कर्मचारीले काम नगरेको बेलाको लागि मासिक पाँच हजार रुपैयाँ पाउनेछन् । चारतारे होटल तथा रिसोर्टमा कार्यरत श्रमिक तथा कर्मचारीले मासिक चार हजार र तीनतारेमा कार्यरतले मासिक तीन हजार पाउने छन् ।
त्यसैगरी, दुईतारेमा कार्यरतलाई मासिक दुई हजार पाँच सय र एकतारेमा कार्यरतलाई मासिक दुई हजार रुपैयाँ उपलब्ध गराउने सहमति भएको छ । पर्यटक स्तरीय होटल वा रिसोर्टमा कार्यरत श्रमिक तथा कर्मचारीलाई आपसी समझदारीमा भुक्तानी गरिने सहमति भएको संघले जनाएको छ ।
यो सहमति अवधिभर चाडपर्व खर्च, बोनस र भ्रमण भत्ता नपाउने र होटल सञ्चालनका लागि चक्रीय प्रणालीमार्फत आवश्यकताको आधारमा आलोपालो गरी श्रमिक तथा कर्मचारीलाई काममा लगाउने सहमति भएको छ ।
काममा लगाइएका त्यस्ता श्रमिक तथा कर्मचारीलाई उनीहरुले खाइपाई आएको पारिश्रमिक उपलब्ध गराइनेछ । काममा नबोलाइएको बेला सहमतिमा तोकिएको रकम उपलब्ध गराउनु पर्नेछ ।
सहमति अवधिभरी तालिमे, करार, दैनिक ज्यालादारी र आउटसोर्सिङका श्रमिकलाई काममा नलगाउने बताइएको छ । तर बैंकेट सेवाका लागि मात्र आवश्यक पर्ने देखिएमा तालिमे, करार, दैनिक ज्यालादारी र आउटसोर्सिङका श्रमिकलाई व्यवस्थापनले काममा लगाउन सक्ने सहमति भएको छ ।
सहमति अवधिभर काममा नबोलाइएको समयमा बिदाको सुविधा श्रमिक तथा कर्मचारीले दाबी गर्न नपाउने, सहमति कार्यान्वयन र परिपालन गराउने कार्य होटल संघ नेपाल र पर्यटन तथा होटल क्षेत्रमा क्रियाशील केन्द्रीय स्तरका सम्झौताकर्ता ट्रेड युनियन संघहरूबीच गठन भएको अधिकार सम्पन्न संयुक्त कार्यदलले गर्ने बताइएको छ ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा