सुनको मूल्य ओरालो लाग्यो

काठमाडौं– बुधबार नेपाली बजारमा सुनको मूल्यमा गिरावट आएको छ । मंगलबार ९२ हजार ८०० रुपैयाँमा कोराबार भएको सुन बुधबार ७०० रुपैयाँले घटेर प्रतितोला ९२ हजार १०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

महासंघका अनुसार छापावाल सुनको मूल्य घट्दा तेजाबी सुनको मूल्य पनि घटेको छ । सोमबार ९२ हजार ३०० रुपैयाँमा कारोबार भएको तेजाबी सुन प्रतितोला ७०० ले घटेर ९१ हजार ६०० रुपैयाँमा कारोबार भइरहेको छ ।

त्यस्तै, बुधबार चाँदीको मूल्य समेत ५ रुपैयाँले घटेर प्रतितोला एक हजार २५० रुपैयाँ कारोबार भइरहेको छ ।