सेतो खबर
काठमाडौं। बेलायतमा भेटिएको कोरोना भाइरसको नयाँ प्रजाति नेपालमा पनि फेला परेको छ । बेलायतबाट आएका तीनजना व्यक्तिमा बेलायतमा देखिएकै प्रजातिको कोरोना भाइरस भेटिएको स्वास्थ्य तथा जनसंख्या मन्त्रालयले जनाएको छ ।
बेलायतबाट फर्केकी २८ वर्षकी महिला तथा ६७ र ३२ वर्षका पुरुषको नमुनामा नयाँ प्रजातिको कोरोना भाइरस पुष्टि भएको हो । तीनजनामध्ये महिला र ३२ वर्षका पुरुषको नतिजा नेगेटिभ आइसके पनि ६७ वर्षका पुरुष अझै पोजेटिभ रहेको मन्त्रालयले जनाएको छ ।
नयाँ प्रजातिको कोरोना भाइरस पुरानोको तुलनामा बढी छिटो फैलिने विज्ञहरु बताउँछन् । तर यसले संक्रमितलाई साबिकको प्रजातिले भन्दा बढी गम्भीर बिरामी बनाएको र ज्यान लिएको प्रमाण भने हालसम्म फेला परेको छैन ।
काठमाण्डौँ । पशुपति क्षेत्र विकास कोषका कोषाध्यक्ष एवं श्रीपशुपतिनाथको सुनको जलहरी निर्माण व्यवस्थापन समितिका संयोजक डा. मिलनकुमार थापाले सुनको जलहरी राख्नु नहुने... विस्तृतमा
