सेतो खबरद्वारा प्रकाशित गरिएको हो |
काठमाडौं । नेपाल इन्फ्रास्ट्रक्चर बैंक लिमिटेडले नेपाली पुँजी बजारको इतिहासमै सबैभन्दा ठूलोे सार्वजनिक निष्कासन गर्न लागेको जानकारी गराएको छ । बैंकले सर्वसाधारणका लागि छुट्याएको आठ करोड कित्ता सेयर आगामी माग २ गतेबाट बिक्री खुला गर्न लागेको हो ।
बैंकले मंगलबार आह्वान पत्र जारी गरेको छ । उक्त निष्कासनका लागि बैंकले एनआइबिएल एस क्यापिटल लिमिटेडलाई बिक्री प्रबन्धक नियुक्त गरेको छ । २० अर्ब चुक्ता पुँजी रहेको उक्त बैंकका संस्थापकहरुले १२ अर्ब चुक्ता गरिसकेका छन् । बाँकी आठ अर्ब सार्वजनिक निष्कासनमार्फत चुक्ता हुने बताइएको छ ।
निष्कासन गरिने कुल सेयरमध्ये ०.२० प्रतिशत अर्थात १ लाख ६० हजार कित्ता बैंकका कर्मचारीहरुका लागि सुरक्षित गरिएको छ । ५ प्रतिशतले हुन आउने ४० लाख कित्ता सामूहिक लगानी कोषका लागि बाँडफाँट हुनेछ। बाँकी ७ करोड ५८ लाख ४० हजार कित्ता सर्वसाधारण लगानीकर्तालाई बाँडफाँट हुने बैंकको आह्वानपत्रमा उल्लेख छ ।
हालसम्म खुलेको डिम्याट खाता संख्याको आधारमा हिसाब गर्दा यो सार्वजनिक निष्कासनमा आवेदन दिने कसैको पनि हात खालि देखिन्छ । मंगलबार १२ बजे यो समाचार तयार गर्दासम्म नेपालमा २३ लाख ७५ हजार ४०८ जनाले डिम्याट खाता खोलेका छन् । अहिलेको नियम अनुसार डिम्याट खाता भएका व्यक्तिले मात्रै सार्वजनिक निष्कासनमा आवेदन दिन पाउँछन् ।
डिम्याट खाता खोलेका जति सबैले आवेदन दिएको खण्डमा पनि सबैलाई दामासाहीले बाँडफाँट गर्दा प्रत्येक आवेदकलाई ३१.९२ कित्ता भाग पुग्छ । त्यसमाथि कतिपयले डिम्याट खाता भए पनि आवेदन नदिन सक्छन् । त्यसैगरी, न्यूनतम १० कित्ताका लागि समेत आवेदन दिन पाइने र त्यस्ता आवेदकलाई १० कित्ता मात्रै बाँडफाँट हुने भएकोले त्यसबाट बचेको सेयर पनि बढी कित्ताका लागि आवेदन दिने लगानीकर्ताले पाउने देखिन्छ । माघ २ बाट खुल्ने आइपिओमा कम्तीमा माघ ६ गतेसम्म आवेदन दिने पाइनेछ । माघ ६ गतेसम्म निष्कासन गरिएभन्दा कम सेयरका लागि आवेदन परेको खण्डमा भने आवेदन दिने अवधि माघ १६ गतेसम्म लम्बिन सक्छ ।
नेपाल इन्फ्रास्ट्रक्चर बैंक लिमिटेडको स्थापना बैंक तथा वित्तीय संस्था, जीवन तथा निर्जीवन बिमा कम्पनी, उद्यमीहरु तथा अन्य निजी क्षेत्रका अग्रणी संस्थाका समूह, तथा नेपाल सरकारको संयुक्त सहभागितामा भएको हो ।
काठमाडौँ, २९ फागुन । तीन वर्षअघि नवलपरासीको सुस्ता गाउँपालिका-५, रतनगञ्जका ६५ वर्षीय रामशुभग मुसहर मिटरब्याजी साहुबाट आफूहरूमाथि अन्याय भएको गुनासो लिएर पहिलो पटक... विस्तृतमा