सेतो खबरद्वारा प्रकाशित गरिएको हो |
काठमाडौं– धितोपत्रको दोस्रो बजार नेपाल स्टक एक्सचेन्जमा सेयर मूल्यमा उछाल आउँदा सोमबार कारोबार सुरु भएको पौने घन्टामै परिसूचक ३९.२२ बिन्दुले बढेको छ ।
सोमबार पौने १२ बजेसम्ममा परिसूचकमा उक्त उछाल देखिएको हो । यस अवधिमा नेप्से २००७ बिन्दुमा पुगेको छ ।
यस अवधिमा २ अर्ब १४ करोड २३ लाख ८९ हजारभन्दा बढीको कारोबार भइसकेको छ । १८८ कम्पनीको ५७ लाख ५१ हजार एक सय ९६ कित्ता सेयर उक्त मूल्यमा किनबेच भएको हो । यस अवधिमा १९ हजार ८७९ पटक कारोबार भइसकेको छ ।
यस अवधिमा कारोबार भएका १२ समूहमध्ये होटल बाहेक अरु सबै समूहको उपसूचक बढेका छन् । होटल समूहकोे उपसूचकमा भने ३२.७२ बिन्दुको गिरावट आएको छ ।
सबैभन्दा बढी वृद्धि ट्रेडिङ समूहको उपसूचकमा देखिएको छ । यस समूहको सूचक १६७.५७ बिन्दुले बढेको छ । यस समूहका सेयरधनीको सम्पत्ति ७.३३ प्रतिशतले बढेको नेपाल स्टक एक्सचेन्जको कारोबार विवरणले देखाउँछ ।
काठमाडौँ, २९ फागुन । तीन वर्षअघि नवलपरासीको सुस्ता गाउँपालिका-५, रतनगञ्जका ६५ वर्षीय रामशुभग मुसहर मिटरब्याजी साहुबाट आफूहरूमाथि अन्याय भएको गुनासो लिएर पहिलो पटक... विस्तृतमा