विप्लवका दाई वीरजङ्गलाई रिहा गर्न सर्वोच्चको आदेश

काठमाडौँ । सर्वोच्च अदालतले नेपाल कम्युनिस्ट पार्टी विप्लव समुहका नेता नेता एवं महासचिव नेत्र विक्रम चन्द (विप्लव) का दाई वीरजङ्गलाई फरक राजनीतिक आस्थाका आधारमा थुनामा राखेको भन्दै रिहा गर्न आदेश दिएको छ ।

सर्वोच्च अदालतमा मङ्गलबार बन्दी प्रत्यक्षीकरणको रिटमाथि भएको बहसमा अदालतले नेकपाका नेता वीरजङ्गलाई बन्दी बनाउनुपर्ने स्पष्ट कारण नखुलेको भन्दै स्पष्ट आधार र कारणबिना प्रवृत्त भावनाले केवल फरक विचार र आस्था राखेकै कारणबाट मात्र पक्राउ गर्ने र अनुसन्धानका क्रममा भनी थुनामा राख्ने वा धरौटी दिन नसकेको भनी थुनामा राख्ने कार्य न्यायिक दृष्टिकोणबाट समेत औचित्यपूर्ण नभएको भन्दै रिहाइको आदेश दिएको हो ।

सर्वोच्च अदालतका न्यायाधीशहरू दीपककुमार कार्की र प्रकाशमानसिंह राउतको इजलासले नेता वीरजङ्गलाई रिहाइको आदेश दिएको हो । अदालतमा भएको बहसमा नेता वीरजङ्गका तर्फबाट वरिष्ठ अधिवक्ता एकराज भण्डारी, अधिवक्ताहरू कान्तिराम ढुङ्गाना, चिरञ्जीवी ढकाल, सन्तोष भण्डारी, लक्षीनानी थापा र चूडाबहादुर निरौलाले बहस गरेका थिए । जिल्ला अदालत काभ्रेले गत साउन १५ गते रिहाइको आदेश दिए पनि प्रहरीले पुनः गिरफ्तार गरी उनलाई भोजपुर पु¥याएको थियो । ईरातोखबर