सेतो खबर
यज्ञराज उपाध्याय / काठमाडौ, जेठ २४ । बिहिबार सांझदेखी सुरु भएको भीषण हावाहुरीका कारण सुदूरपश्चिम प्रदेशमा निकै ठूलो मात्रामा क्षति भएको छ । सुदूरपश्चिम जिल्लाका ९ वटै जिल्लामा हावाहुरीले क्षति पुर्याएको सम्बन्धित जिल्लाका प्रहरी प्रमुखले जानकारी दिएका छन । तीब्र गतिमा चलेको हावाहुरी संगै बर्षातका कारण सबैभन्दा बढी सुदूरपश्चिम प्रदेशको तराईका दुई जिल्ला कैलाली र कञ्चनपुरमा क्षति भएको छ ।
विनाशकारी हावाहुरीका कारण कैलालीमा दुईजनाको ज्यान गएको छ । टीकापुर नगरपालिका वडा नम्बर २ का लहानु डगौराको पोल्टी फार्मको पर्खाल भत्किदा मृत्यु भएको इलाका प्रहरी कार्यालय टीकापुरले जनाएको छ । त्यस्तै गाेदावरी नगरपालिकामा तीब्र हावाहुरीका कारण माेटरसाइकल र टिपर एकआपसमा ठोक्किदा चालक गोदावरी वडा नम्बर ८ जमुनाभाडी माझगाउमा बस्ने बिरबहादुर चौधरीको मृत्यु भएको इलाका प्रहरी कार्यालय अत्तरियाले जनाएको छ ।
विकाशकारी हावाहुरीका कारण ८० जनाभन्दा बढी घाइते भएका छन । कञ्चनपुर जिल्लामा यो समाचार तयार पार्दासम्म २३ जना घाइते भएको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक ज्ञान बहादुर बिष्टले जनाएको दिए । ती घाइते मध्ये पनि आठजनाको अवस्था गम्भीर भएकाले उनीहरुलाई सेती अञ्चल अस्पतालमा रेफर गरिएको र अरु सबैको महेन्द्रनगर स्थित महाकाली अञ्चल अस्पतालमा उपचार भैरहेको बिष्टले बताए ।
उनले कञ्चनपुरमा ठूलो मानवीय क्षति नभएको बताउदै धनजनको क्षति र थप घाइतेको विवरण जिल्ला प्रहरी कार्यालय कञ्चनपुरलाई जानकारी नभएको बताए । यस्तै कैलाली जिल्लामा करिब ७६ जना घाइते भएको जिल्ला प्रहरी कार्यालयका इन्स्पेक्टर प्रकाश डांगीले जानकारी दिए । उनका अनुसार जिल्लामा भएको क्षतिको विवरण अझै प्राप्त नभएको बताउदै सेती अञ्चल अस्पतालमा उपचाररत घाइतेहरु मध्ये अधिकांशको डिस्चार्ज भैसकेको छ ।
कैलालीको धनगढी, लम्की, टीकापुर, भजनी, सुखडका छानावाला घरका छानाहरु उडाएको छ भने बिजुलीका पोलहरु र रुख ढलेका कारण सडक नै अवरुद्ध भएको प्रहरीले जनाएको छ ।
भीषण हावाहुरीका कारण कैलाली कञ्चनपुर लगायत सुदूरपश्चिमका विभिन्न ठाउँमा गएरातिदेखी बिजुली बत्ती समेत आएको छैन ।
काठमाडाैं । सर्वोच्च अदालतले प्रतिनिधिसभा पुनर्स्थापना गर्ने फैसला गरेको छ। प्रधानन्यायाधीश चोलेन्द्रशमशेर जबरा नेतृत्वको संवैधानिक इजलासमा भएको सुनुवाइपछि... विस्तृतमा
