राष्ट्रपतिद्धारा नेपालगञ्जस्थित बागेश्वरी मन्दिरमा पूजा

बाँके, जेठ २२ । नेपालगञ्जस्थित बागेश्वरी मन्दिरमा बुधबार राष्ट्रपति विद्यादेवी भण्डारीले पूजा आराधान गरकी छन् । उनले मन्दिरमा पूजा गरी प्रसाद ग्रहण गरेको राष्ट्रपतिका स्वकीय सहसचिव दीपा शर्माले बताए।

पश्चिम नेपालको ठूलो शक्तिपीठ मानिने उक्त मन्दिरमा कडा सुरक्षा व्यवस्थासहित पुग्नुभएकी भण्डारीले राष्ट्रप्रमुख भएपछि पहिलोपटक उक्त देवीको पूजा गरेकी हुन् । मन्दिरका मूलमहन्त चन्द्रनाथ योगीले देवीको प्रसाद प्रदान गर्नाका साथै मन्दिरको आर्थिक अवस्थाबारे राष्ट्रपतिलाई बताए।

मंगलबार मुस्लिम समुदायको पवित्र महीना रमदान मुबारकको अवसरमा नेपालगञ्जमा आयोजित ‘रोजा इफ्तार’ सहभागी भएकी राष्ट्रपति भण्डारी बुधबार बाँकेको बैजनाथ गाउँपालिका-५ जीगाउँस्थित प्रभात माध्यमिक विद्यालयको ५० औं वार्षिकोत्सव कार्यक्रममा सहभागी कार्यक्रम रहेको छ ।