सेतो खबरद्वारा प्रकाशित गरिएको हो |
काठमाडौँ, जेठ २० । सरकारले तराई र मधेशलाई उपेक्षा गरेर बजेट ल्याएको राष्ट्रिय जनता पार्टी, नेपालका नेता महेन्द्रराय यादवले आरोप लगाएका छन् । ५२ प्रतिशत जनसंख्या भएको तराई/मधेशलाई उपेक्षा गरेर ल्याइएको बजेट कसरी कार्यान्वय हुन्छ ? भनि सरकारलाई नेता यादवले प्रश्न गरेका छन् ।
सोमबार प्रतिनिधिसभा बैठकमा सरकारले प्रस्तुत गरेको आगामी आर्थिक वर्षको बजेटमाथिको प्रारम्भिक छलफलमा भाग लिँदै उनले धेरै जनसंख्या भएको भूगोलमा २० प्रतिशत पनि बजेट विनियोजन नगरेर सरकारले तराई र मधेशलाई बेवास्ता गरेको बताएका छन् ।
बजेटले संघीयतालाई आत्मासात गर्न नसकेको पनि उक्त बैठकमा नेता यादवले बताए । उनका भनाई अनुसार गत वर्ष भन्दा पनि यस वर्ष प्रदेश र स्थानीय तहलाई कम बजेट विनियोजन गरेको छ।
गत वर्ष प्रदेश र स्थानीय तहलाई ३४ प्रतिशत बजेट विनियोजन गरेकोमा यस वर्ष ३० प्रतिशतमा झारेकोमा नेता यादवले आपत्ति जनाएका छन् । बजेट कार्यान्वयनका लागि आवश्यक अनुगमनकारी निकायको व्यवस्था पनि बजेटमा हुन नसकेको नेता यादवले जानकारी दिए ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा