सेतो खबर
काठमाडौं, १६ जेठ । “एक प्रहरी चौकी एक सवारी साधन” नीति अनुरुप प्रहरी प्रधान कार्यालयले देशमा विभिन्न प्रहरी युनिटहरुमा ३ सय ३० थान मोटरसाइकल वितरण गरेको छ ।
समाजमा शान्ति सुरक्षा कायम गरी घटना घटे पश्चात् तत्काल प्रहरी उपस्थितिलाई थप सहज बनाई घटनास्थलको सुरक्षा गर्न, गस्ती पट्रोलिंगलाई थप प्रभावकारी बनाउन यस नीतिले सहयोग पुग्ने विश्वास लिइएको छ ।
नेपाल सरकारको नीति कार्यक्रम तथा बजेट कार्यान्वयन कार्ययोजना अन्तर्गत “एक प्रहरी चौकी एक सवारी साधन” वितरण कार्यक्रमलाई निरन्तरता दिने प्रयोजनार्थ प्रहरी प्रधान कार्यालयबाट खरिद भएको उक्त मोटरसाइकलहरु विशेषत ग्रामीण र पहाडी क्षेत्रलाई मध्यनजर गर्दै वितरण गरिएको हो ।
यसै अनुरूप हाल सम्म सरकारी सवारी साधन उपलब्ध नभएको र सडक संजाल भर्खरै मात्र पुगेको डोल्पा जिल्लाको जिल्ला प्रहरी कार्यालय र सो मातहत ईलाका प्रहरी कार्यालय खदाङ्ग, प्रहरी चौकी त्रिपुराकोट र प्रहरी चौकी कालागौडामा समेत गरी ४ थान मोटरसाइकल उपलब्ध गराइएको छ ।
काठमाण्डौँ । पशुपति क्षेत्र विकास कोषका कोषाध्यक्ष एवं श्रीपशुपतिनाथको सुनको जलहरी निर्माण व्यवस्थापन समितिका संयोजक डा. मिलनकुमार थापाले सुनको जलहरी राख्नु नहुने... विस्तृतमा
