सेतो खबरद्वारा प्रकाशित गरिएको हो |
काठमाडौं । एक्रेटिभ मिडिया प्रा.लि र गैर–आवासीय नेपाली संघ बिच सहकार्य गर्ने विषयमा सम्झौता भएको छ ।
गएको जेठ १० गते एक कार्यक्रमका बिच एक्रेटिभ मिडिया प्रा.लिको तर्फबाट प्रमुख कार्यकारी अधिकृत हरि पोखरेल र गैर–आवासीय नेपाली संघको तर्फबाट प्रमुख कार्यकारी अधिकृत डा. हेमन्त कुमार डवाडीले सम्झौता पत्रमा हस्ताक्षर गरे।
विद्यार्थीको प्रतिभा प्रष्फुटन गर्ने उदेश्यले शुरु भएको विश्वव्यापी स्तरको क्वीज मेनिया सिजन सातको तयारी गर्ने क्रममा एनआरएनए मार्फत करिव ६० वटा देशका विद्यार्थीहरुको सहभागीता गराउने र अन्य तयारीमा सहकार्य गर्ने सम्झौतामा उल्लेख गरिएको छ ।
विगतमा एसियाली स्तरको प्रतियोगितामा विदेशी विद्यार्थी र कलेजको सक्रिय सहभागितालाई मध्यनजर गर्दै यस पटक विश्वव्यापी स्तरको कार्यक्रम निर्माण गर्न लागिएको आयोजक एक्रेटिभ मिडियाका प्रमुख कार्यकारी अधिकृत तथा क्वीज मेनिया सिजन ७ का निर्माता हरि पोखरेलले बताए ।
प्रतियोगितामा विश्वमा रहेका उच्च माद्यामिक स्तरमा अध्ययनरत विद्यार्थीको सहभागिता रहने छ । उक्त प्रतियोगिताले विद्यार्थीमा रहेको अन्तरनिहित प्रतिभा प्रस्फुटन हुने मौका प्राप्त गर्नुका साथै उनीहरुका लागि यो कार्यक्रम एक अर्कालाई नजिकबाट चिन्ने, सांस्कृति, शिक्षा आदानप्रदान हुने र नेपालको पर्यटन समेत प्रवर्दन हुने आयोजकको अपेक्षा गरेको छ ।
यस अघि जस्तै सिजन ७ मा पनि कार्यक्रम प्रस्तोता महानायक राजेश हमाल (Quiz Master) हुनेछन् । गैर आवासीय नेपाली संघ, परराष्ट्र मन्त्रालय नेपाल र देश विदेशमा रहनुभएका युवा संजालको सहयोग र सहकार्यका साथ प्रतियोगिताको व्यापक तयारी भईरहेको पोखरेलले बताए ।
विदेशी कार्यक्रमका फ्रेन्चाइजहरु नेपाल भित्रिने क्रममा रहेको वर्तमान परिप्रेक्ष्यमा एक नेपाली कार्यक्रम अन्तर्राष्ट्रियकरण हुँदै जानु आफैमा एक गौरवको विषय भएकोले कार्यक्रम भव्यताका साथ सम्पन्न गर्न विभिन्न संघ संस्था, राजदुतावास, व्यापारीक तथा निजी निकाय, बहुराष्ट्रिय कम्पनी र मिडियाको सहयोग र सहकार्यको अपेक्षा गरेको पोखरेलले बताए ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा