सोमबारदेखि बुद्ध एअरले काठमाडौँ-कोलकाता उडान गर्ने

काठमाडौँ, जेठ १२ । बुद्ध एअरले आइतबार पत्रकार सम्मेलन गरी सोमबार देखि काठमाडौँ देखि कोलकाता सम्म उडान गर्ने जनाएको छ । उक्त पत्रकार सम्मेलनमा सोमबार देखि काठमाडौँ–कोलकाता–काठमाण्डौको व्यवसायिक उडान गर्न लागेको जनाए।

बुद्ध एयरले सातामा तिन दिन सोमबार, बुधबार र शुक्रबार काठमाडौँ-कोलकाता उडान गर्न लागेका हुन । अन्तर्राष्ट्रिय उडानको अभ्यासको रुपमा सुरु गर्न लागेको काठमाडौँ-कोलकाता उडान सफल भए अन्य स्थानका लागि अन्तर्राष्ट्रिय उडान सुरु गर्ने प्रबन्ध निर्देशक बस्नेतले जानकारी दिए।

हरेक सोमबार, बुधबार र शुक्रबार बिहान ८ बजे काठमाडौँबाट बुद्ध एअरको जहाज कोलकाताका लागि उड्ने छ भने, बिहान साढे १० बजे कोलकाताबाट काठमाण्डौका लागि जहाज उड्ने छ । तर जुलाईदेखि भने समय अगाडि सारेर ७ बजे उडान गर्ने बुद्ध एयरले जनाएको छ ।