सेतो खबरद्वारा प्रकाशित गरिएको हो |
सम्पादकीय
लुम्बिनी जेठ ४ । लुम्बिनी भन्ने बित्तिकै जो कोहिले पनि भगवान बुद्ध जन्मिएको ठाउँ भन्ने बुझ्छन । देश देखि बिदेश सम्म भगवान बुद्धको जन्मस्थल नेपालको लुम्बिनी हो भनेर सबैले बुझिसकेका छन र यहाँ बर्सेनि लाखौं पर्यटकहरु पनि आउने गर्छन ।
इसापूर्व ५६३ अर्थात् आजभन्दा २५६३ वर्षअघि भगवान बुद्ध अर्थात सिद्धार्थ गौतमको जन्म वैशाख शुक्ल पूर्णिमाकै दिनमा भएकोले आजैको दिन बुद्ध जयन्ती मनाउने गरिन्छ ।
बौद्ध धर्मावलम्बीहरुले आजको पर्वलाई अझै बिशेष रुपमा मनाउँछन्। एसियाको तारा भनेर चिनिने गौतम बुद्धले आजभन्दा २५६३ बर्ष पहिले राजा शुद्धोधन र रानी मायादेवीको सुपुत्रका रुपमा जन्म लिनुभयो र पछि आफू २९ बर्षको त्यत्रो राजदरबार त्यागी ज्ञानको खोजीमा लाग्नुभयो ।
त्यसपश्चात करिब ६ वर्षको ध्यानपछि अर्थात ३५ वर्षको उमेरमा भारतको बोधगया भन्ने ठाउँमा वैशाख शुक्ल पूर्णिमाकै दिन उहाँले बुद्धत्व प्राप्ति भएपछि भगवान बुद्धका रुपमा विश्व भरी चिनिनुभयो र नेपालको नाम पनि बिश्वमै चिनाउनुभयो ।
उहाँले भारतको बोधगयामा बुद्धत्व प्राप्ति गरेकाले भारतले अझै पनि भगवान गौतम बुद्ध भारतमै जन्मिएका हुन भन्न छाडेको छैन । यथार्थमा भगवान गौतम बुद्ध नेपालको लुम्बिनीमा जन्मिएकाले उक्त ठाउँमा देश, बिदेशका बौद्ध धर्मावलम्बी लगायत अन्य पर्यटकहरुको घुइँचो लाग्ने गर्दछ ।
आज २५६३ बुद्ध जयन्ती मनाइरहदा पनि लुम्बिनीमा देशबिदेशबाट हजारौं धर्मावलम्बी आएका छन । हजारौं पर्यटकले लुम्बिनीको भ्रमण गरिरहेका छन ।
लाखौं पर्यटकहरुले लुम्बिनीको भ्रमण गरिसकेका छन तर पनि भगवान गौतम बुद्ध जन्मिएको महत्त्वपूर्ण ठाउँ, लाखौं पर्यटक आउने ठाउँ नेपालको मुख्य पर्यटकीय स्थलका रुपमा घोषणा भएको छैन र यहाँ पर्यटकहरुलाइ लोभ्याउने, पर्यटकहरु वृद्धि गर्ने त्यस्तो महत्त्वपूर्ण गतिविधिहरु भएका छैनन ।
बिकराल महंगीले एकपटक आएको पर्यटक पनि अर्को पटक आउन रुचाउदैन, यता तिर पनि सरकारको ध्यान गएको छैन । काठमाडौका केही पर्यटकीय स्थललाई प्रमुख पर्यटकीय गन्तव्य तोकिए जस्तै लुम्बिनीलाई पनि प्रमुख पर्यटकीय गन्तव्य घोषणा गरेर यहाँ अझै धेरै कुराहरुको विकास गर्नुपर्छ ।
धर्मशाला, भोजनालय, यातायात विस्तार, सडक मर्मत, निर्मित भवनलाई आकर्शीत बनाउने गरि थप विकास, थप भवन निर्माण, भगवान गौतम बुद्ध बारे सबै जानकारीहरु डिजिटल रुपमा देखाउने प्रविधि, ठाउँ ठाउँमा सिसिटिभी, भगवान गौतम बुद्धका आकर्षक मुर्तिहरु, सडक लाइटको विस्तार, सुविधासम्पन्न होटेलहरु, नास्ता घर, हरियाली बाताबरण लगायत महत्त्वपूर्ण कुराहरुको विकासलाई तीब्र बनाउनुपर्छ जसले नेपाल आउने वैदेशिक पर्यटक लुम्बिनी पुगेरै जाओस र आन्तरिक पर्यटकहरुको लुम्बिनीलाई चाङ लागोस ।
पर्यटकहरुलाई रमाउने खुल्ला वातावरण, आध्यात्मिक कुराहरु ज्ञान गराउने कक्षहरुको ठाउँको समेत विकास, विस्तार गर्नुपर्छ जसका लागि नेपाल सरकारले पहल गर्नुपर्छ ।
बर्षको एकदिन मात्र लुम्बिनी सम्झने, बुद्ध सम्झने सरकारले गौतम बुद्ध नेपालको धरोहर हुन, बिश्वले पुज्ने भगवान हुन, नेपालको नाम रोशन गर्ने देउता हुन भनेर बुझ्नुपर्छ र गौतम बुद्ध जन्मेको लुम्बिनीलाई अझै विकास गर्न सकारात्मक रुपले अन्य वैदेशिक मुलुक संग पनि समन्वय गर्दै लुम्बिनीलाई प्रमुख अनि महत्त्वपूर्ण पर्यटकीय गन्तव्य बनाउनुपर्छ ।
बर्षको एकदिन मात्र भगवान बुद्धलाइ सम्झिएर केही हुदैन, हरेक दिन भगवान बुद्धले दिएका उपदेशमा अगाडी बढ्नुपर्छ, शान्ति कायम गर्न अनवरत रुपमा खट्नुपर्छ र भगवान गौतम बुद्ध जन्मिनुभएको नेपाल बिश्वको सबैभन्दा पहिलो शान्तीको मार्गमा हिडेको देश हो भन्ने सन्देश दुनियाँमा फैलाउनुपर्छ र भगवान गौतम बुद्ध नेपालको सम्पत्ति हुन, धरोहर हुन, त्यसैले धर्म नहेरेर उहाँको सन्देशलाई बिश्वमा फैलाउन र उहाँकै सन्देशमा आफू अगाडी बढेको बिश्वसामु प्रमाणित गर्न सबै नेपालीहरु उहाँको उपदेशमा अगाडी बढी लुम्बिनीको विकासमा लाग्नुपर्छ अनि मात्र नेपालमा र लुम्बिनीका करोडौं पर्यटकहरुको आगमन हुनेछ ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा