सेतो खबरद्वारा प्रकाशित गरिएको हो |
काठमाडौँ, जेठ ३ । मे ३० तारिखबाट इङ्ल्यान्ड र वेल्समा शुरु हुन गईरहेको आईसीसी एकदिवसीय विश्वकप क्रिकेटको विजेता टोलीले ४० लाख अमेरिकी डलर पुरस्कार पाउने जनाएको छ। यो हालसम्मकै ठूलो पुरस्कार आईसीसीले जनाएको छ ।
अन्तर्राष्ट्रिय क्रिकेट काउन्सिल (आईसीसी) ले शुक्रबार एउटा प्रेस विज्ञप्ति मार्फत विश्वकप विजेताको पुरस्कार राशी सार्वजनिक गरेको हो ।
विश्वकपको उपविजेताले २० लाख अमेरिकी डलर पुरस्कार पाउनेछ भने, सेमिफाइनलमा पुग्ने टोलीले आठ आठ लाख र समूह चरणको विजेताले ४० हजार अमेरिकी डलर प्राप्त गर्ने जनाएका छन् ।
आईसीसीका अनुसार व्यक्तिगत स्पर्धाका विजेतालाई पनि आकर्षक पुरस्कार प्रदान गरिने छ। विश्वकपमा इङल्यान्ड, भारत, न्युजिल्याण्ड, दक्षिण अफ्रिका, अष्ट्रेलिया, पाकिस्तान, बंगलादेश, श्रीलंका, वेष्ट इन्डिज र अफगानिस्तानले प्रतिस्पर्धा गर्ने जनाएको छ।
काठमाडौँ, २९ फागुन । तीन वर्षअघि नवलपरासीको सुस्ता गाउँपालिका-५, रतनगञ्जका ६५ वर्षीय रामशुभग मुसहर मिटरब्याजी साहुबाट आफूहरूमाथि अन्याय भएको गुनासो लिएर पहिलो पटक... विस्तृतमा