ज्योती लाईफले ल्यायो ‘३५ वटा घातक रोग’ विरुद्धको सुरक्षा योजना, ५० लाखसम्मको जोखीम वहन हुने

काठमाण्डौँ, जेठ ३ । ज्योती लाईफ इन्स्योरेन्स कम्पनीले ३५ वटा घातक रोग विरुद्ध पचाँस लाख सम्मको आर्थिक सुरक्षा योजना सहित जीवन विमा योजना बजारमा ल्याएको छ।

शुक्रबार एक कार्यक्रमका बिच ज्योती लाईफ इन्स्योरेन्सका ब्राण्ड एम्बेष्डर महानाकय राजेश हमाल, समाजसेवी तथा पर्यटक ब्यवसायी कर्ण शाक्य, क्यान्सर रोग विशेषज्ञ तथा नेपाल क्यान्स हस्पिटल एण्ड रिसर्च सेण्टरका कार्यकारी निर्देशक डा. सुदिप श्रेष्ठ तथा कम्पनी का सञ्चालक समितिका अध्यक्ष नन्द किशोर शर्मा लगायतले यो योजना सार्वजनिक गरेका हुन् ।

१८ देखी ५५ बर्षसम्म उमेरका व्यक्तिहरुले यो जीवन बीमा योजना लिन सक्नेछन् भने विमितको अधिकतम विमा समाप्ती उमेर ६० बर्ष तोकीएको छ । कम्पनिले अधिकतम बीमा अवधि २० बर्ष तोकेको छ भने बीमाङ्क रकम बराबर वा अधिकतम ५० लाँखसम्म बीमाङ्क रकम तोकेको छ ।

यो योजनमा अन्तर्गत विमितको इच्छा अनुसार ३५ अथवा १८ किसिमको घातक रोग विरुद्धको सुरक्षा रोज्न सकिने कम्पनिले जनाएको छ ।

बीमितहरुलाई अझ बढी जोखिम बहन सहित थप सुरक्षा प्रदान गर्ने उद्धेश्यले हाल सम्मकै सर्वाधिक रोगहरु समेटी नयाँ विमा योजना बजारमा ल्याएको दाबी गरेको छ । यस विमा योजनाले ३५ वटा घातक रोग विरुद्ध ५० लाख रुपैयाँ सम्मको आर्थिक सुरक्षा प्रदान गर्दछ।

कार्यक्रममा ज्योती लाईफ इन्स्योरेन्स का कार्यकारी उप–प्रमुख प्रकाश विक्रम खत्रीले नयाँ विमा योजना ल्याउनुको उदेश्य माथि प्रकाश पार्दे भने “कुनै पनि नेपालीको घातक रोगका कारण समयमा उपचार हुन नपाई अकालमा हुने मृत्युबाट बचाउने र उपचार खर्चको बोझको कारण घरबार समाप्त भई भविष्यका सन्ततीहरुलाई समेत समस्या नपरोस भनेर पूर्ण आथिर्कक सुरक्षा सहितको यो योजना ल्याइएको हो, यस योजनाले ५० लाख सम्मको आर्थिक जोखम बहन गर्दछ।”

त्यसैगरी उक्त कार्यक्रममा समाजसेवी तथा पर्यटन ब्यवसायी कर्ण शाक्यले क्यान्सर रोगका कारण आफ्नो ३५ बर्षिय श्रीमती र १७ बर्षिय छोरीको मृत्यु भएको तथा त्यसले आफनो जीवनमा ठूलो कष्ट सहनु परेको अनुभव सुनाए । उनले अगाडी थपे “रोग जसलाई पनि जहिले पनि लाग्न सक्छ तर त्यसबाट सावधानी अवश्य पनि अपनाउनु पर्दछ, आर्थिक भारलाई कमगर्नका लागि र भविष्यमा आईपर्ने जोखीमलाई न्युनीकरण गर्नका लागि भएपनि यस्तो किसीमको जीवन वीमाले कुनै पनि मानिसको जीवनमा ठूलो सहयोग गर्नसक्दछ।”

त्यसैगरी कम्पनिका ब्राण्ड एम्बेष्डर महानायक राजेश हमालले पनि आफ्ना भनाईहरु राख्दै भने “मानिसलाई घातक रोगहरु लागि सकेपछि जतीनै सुकै धनि ब्यक्ति भएपनि एक दिन सडक मा आउनु पर्ने अवस्था सृजना हुन सक्छ, त्यसैले समयमै यस्था जोखिमहरु प्रति सजक हुन सक्नेहो भने भविष्यमा आर्थिक जोखिमहरुलाई न्यूनिकरण गर्न अत्यन्तै सहज हुन्छ।” उनले अगाडी भने “घातक रोग विरुद्ध लड्न इच्छा शक्ति का साथ साथै आर्थिक तयारी र उत्कृष्ट उपचारको पनि आवश्यकता रहन्छ, त्यसका लागि यस्ता विमा योजनाहरुले धेरै ठूलो मद्दत गर्न सक्दछन।”