सेतो खबर
यज्ञराज उपाध्याय / टीकापुर, बैशाख ३१ । कैलालीको टीकापुरमा एकाबिहानै ट्याक्टर दुर्घटना भएको छ । लालरत्न ईट्टा उद्योगबाट इट्टा भरेर कालाकुण्ठा तर्फ जाँदै गरेको ट्याक्टर टीकापुर नगरपालिका वडा नम्बर १ को टीकापुर-खक्रौला सडकखण्ड अन्तर्गत बसपार्क भन्दा तल पर्ने लम्की पुलबाट १५ मिटर तल खस्दा ट्याक्टर चालकको मृत्यु भएको ट्राफिक प्रहरी देवि धितालले जानकारी दिए ।
से १ त १११६ नम्बरको ट्याक्टर अनियन्त्रित भएर पुलबाट तल खस्दा ट्याक्टर चालक जानकी गाउँपालिका वडा नम्बर ५ पथरैया बस्ने अन्दाजी ४२ बर्षिया धन बहादुर चौधरीको ट्याक्टरले च्यापिएर घटनास्थलमै मृत्यु भएको हो । प्रहरी धितालका अनुसार ट्याक्टरमा चालक मात्र थिए । मृतक चालकलाई च्यापिएको स्थानबाट बाहिर निकाल्ने काम भैरहेको छ ।
काठमाडौं । सर्वाेच्च अदालतले नेकपाको बिवादको अन्तिम टुंगो लगाउँदै ऋषि कट्टेललाई आधिकारिकता दिएसँगै सत्तारुढ नेपाल कम्युनिष्ट पार्टी (नेकपा) औपचारिक रुपमा खारेज भएको... विस्तृतमा
