सेतो खबर
काभ्रेपलाञ्चोक, बैशाख २५ । प्रहरी महानिरीक्षक सर्वेन्द्र खनालले समाजमा शान्ति सुरक्षा कायम राख्न तथा आपराधिक क्रियाकलाप नियन्त्रण गरी सुशासन कायम गर्न प्रहरी कर्मचारीहरुले कठोरताका साथ कानून कार्यान्वयन गर्दै विवेकपूर्ण तरिकाले सेवा प्रदान गर्नुपर्ने बताउनुभएको छ ।
जिल्ला प्रहरी कार्यालय काभ्रेपलाञ्चोक मातहत कार्यरत प्रहरी अधिकृत तथा जवानहरुलाई बुधबार निर्देशन दिँदै प्रहरी महानिरीक्षक खनालले उक्त कुरा बताउनुभएको हो । आर्थिक अनियमिततामा शून्य शहनशीलता अपनाउनुपर्ने बताउँदै प्रहरी महानिरीक्षक खनालले संगठनले अंगिकार गरेको १० बुँदे प्राथमिकताहरुलाई अक्षरस कार्यान्वयन गर्न निर्देशन दिनुभयो ।
हाँसेर भन्दा पनि प्रहरीले नागरिक सामु उत्कृष्ट सेवा प्रवाह गर्नुपर्ने उल्लेख गर्दै आफ्नो आचरण एवम् व्यवहारको उत्कृष्ट प्रदर्शन गर्नुपर्ने उहाँले बताउनुभयो ।
साथै प्रहरी महानिरीक्षक खनालले संगठन सुदृढिकरणको लागि सवै दर्जाका प्रहरी कर्मचारीहरुले आ-आफ्नो भूमिका उत्कृष्ट तरिकाले निर्वाह गर्नुपर्ने उल्लेख गर्नुभयो ।
काठमाण्डौँ । पशुपति क्षेत्र विकास कोषका कोषाध्यक्ष एवं श्रीपशुपतिनाथको सुनको जलहरी निर्माण व्यवस्थापन समितिका संयोजक डा. मिलनकुमार थापाले सुनको जलहरी राख्नु नहुने... विस्तृतमा
