सेतो खबरद्वारा प्रकाशित गरिएको हो |
काठमाडौँ, बैशाख २२ । आयल निगमलाई सत्तारुढ दलका विद्यार्थी संगठनले एकहप्ताको अल्टिमेटम दिएका छन् ।
सत्तारुढ नेपाल कम्युनिष्ट पार्टिमा आवद्ध विद्यार्थी संगठन अनेरास्ववियू र अनेरास्ववियू (क्रान्तिकारी) ले विद्यार्थीहरुलाई सर्वसुलभ मूल्यमा खाना पकाउने ग्यास उपलब्ध गराउने सहमति कार्यान्वयन गर्न सरकारलाई एक हप्ते अल्टिमेटम दिएको हो।
उक्त संगठनले विद्यार्थीहरुलाई सहुलियत दरमा खाना पकाउने ग्यास उपलब्ध गराउने बिषयमा पटक-पटक सहमति गरेका छन् ।
पटक-पटक गरेको सहमति कार्यान्वयन गर्न आइतबार अनेरास्ववियू र अनेरास्ववियू (क्रान्तिकारी) ले एक हप्ते अल्टिमेटमसहितको ध्यानाकर्षण पत्र नेपाल आयल निगमका कार्यकारी निर्देशक सुरेन्द्रकुमार पौडेललाई बुझाएकोअनेरास्ववियू (क्रान्तिकारी) का अध्यक्ष रञ्जित तामाङले जानकारी दिए ।
उनले भने, एक हप्ता भित्र पनि आफूहरुको सो माग पूरा नभए सरकारविरुद्ध कडा आन्दोलनमा जाने चेतावन समेत दिएका छन्। त्यसैगरी ध्यानाकर्षण पत्रमा पटक-पटक पेट्रोलियम पदार्थको मूल्यवृद्धि नहुने गरी भ्रष्टाचार नियन्त्रण गर्न पनि निगमको गम्भिर ध्यानाकर्षण गराइएको पाइन्छ।
तत्काल विद्यार्थीहरुलाई सहुलियत दरमा खाना पकाउने ग्यास उपलब्ध गराउने अवस्था नरहेको नेपाल आयल निगमका कार्यकारी निर्देशक पौडेलले जानकारी दिए।
उनले विगतमा गरिएका सहमति हेर्ने र विद्यार्थीहरुको सोसम्बन्धि माग सम्बोधनका लागि आवश्यक छलफल गर्ने आश्वासन पनि दुबै विद्यार्थी संगठनका नेताहरुलाई दिएका थिए ।
नेपाल आयल निगमले गत बिहीबार राति १२ बजेबाट लागु हुने गरी पेट्रोलमा प्रतिलिटर १ रुपैयाँ ५० पैसा र डिजेल तथा मट्टितेलमा १ रुपैँयाका दरले मूल्य वृद्धि गरेको थियो ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा