थाइल्याण्डका राजाले गरे आफनै अंगरक्षकसँग विवाह, दिए रानीको दर्जा

आफनो औपचारिक राज्याभिषेक भन्दा मात्र केही दिन पहिला नै थाइल्याण्डका राजा माहा बाजिरालोंगकोर्नले बुधबार आफनो निजि सुरक्षा बलकी डिप्टि हेडसँग विवाह गरेका छन् । वाजिरालोंगकोर्नले विवाह पश्चात आफनी पत्नीलाई रानी सुथिदा को उपाधि दिएका छन् ।

थाइल्याण्डका जनताहरु अचानक भएको यो विवाहबाट आश्चर्यमा परेका छन् । वेलुका थाइल्याण्डका सबै टेलिभिजन च्यानलबाट विवाहको भिडियो तथा तस्विरहरु देखाइएको थियो । ६६ बर्षिय वाजिरालोंगकोर्नलाई किंग रामा एक्स को नामले चिनिन्छ ।

उनी आफना पिता राजा भुमिबोल अदुलयादेजको अक्टोबर २०१६ मा भएको मुत्युपछि संबैधानिक रुपमा सम्राट बनेका थिए । उनका पिताले ७० बर्षसम्म राजाको सिंहासन सम्हालेका थिए ।

वाजिरालोंगकोर्न लाई शनिवार विस्तृत बौद्ध र ब्राम्हण समारोहमा आधिकारीक रुपमा ताज पहिराइनेछ । २०१४ मा वाजिरालोंगकोर्नले सुथिदा तिदजईलाई बडिगाई युनिटको डिप्टि कमाण्डर को रुपमा नियुक्त गरेका थिए । सुथिदा थाई एयरवेजको फ्लाइट अटेन्डेट बनिसकेकि छिन् ।

शाही परिवारका सदस्य तथा विदेशी मिडियाले कैयौ पटक वाजिरालोंगकोर्न को नाम सुथिदासँग जोडेका थिए । तर राजमहलको तर्फबाट भने यस बिषयमा कुनै पनि धारणा सार्वजनिक भएको थिएन । डिसेम्बर, २०१६ मा वाजिरालोंगकोर्नले सुथिदालाई रोयल थाई आर्मीको फुल जनरल बनाइदिएका थिए ।

यसपछि सुथिदालाई २०१७ मा राजाको निजि सुरक्षाबलको डिप्टि कमाण्डर बनाइयो । वाजिरालोंगकोर्नले सुथिदालाई थानपुयिंग पनि बनाए, जुन एउटा शाहि शिर्षक हो, जसको अर्थ लेडि हो ।

वाजिरालोंगकोर्नले पहिला पनि कैयौ पटक विवाह गरीसकेका छन् भने उनको तिन पटक सम्बन्ध विछेद समेत भईसकेको छ । उनका हालसम्म ७ जना बच्चाहरु छन् ।