सुनको मूल्यमा सामान्य गिरावाट, चाँदीको मूल्य यथावत

काठमाडौं, बैशाख १८ । आज साताको चौँथो दिन पनि सुनको मूल्य सामान्य रूपमा घटेको छ । आज सुनको मूल्य प्रति तोला एक सय रुपैयाँले घटेको छ ।

सुन प्रति तोला ५९ हजार छ सय रुपैयाँमा कारोबार भइरहेको छ भने, प्रति १० ग्रामको मूल्य ५१ हजार एक सय रुपैयाँमा कारोबार भइरहेको नेपाल सुनचाँदी व्यावसायी महासंघले जनाएको छ ।

यसैक्रममा, आज चाँदीको मूल्य यथावत रहेको छ । चाँदीको मूल्य प्रति तोला सात सय २५ रुपैयाँमा कारोबार भइरहेको महासंघले जनाएको छ ।