सेतो खबरद्वारा प्रकाशित गरिएको हो |
यज्ञराज उपाध्याय / टीकापुर, बैशाख ७ कैलालीको जानकी गाउंपालिका ९ खैरिफाटामा निर्माणाधीन अवस्थामा रहेको नेपाल जातीय संग्रहालयमा सामाजिक, सांस्कृतिक एकता र आर्थिक सम्वृद्धिका लागि सांस्कृतिक सम्मिलन कार्यक्रमको आयोजना गरिएको छ ।
नेपाल जातीय संग्राहलयले आयोजना गरेको २ दिने सम्मिलन कार्यक्रमको अध्यक्षतामा संग्राहलयका अध्यक्ष एवं पुर्व माननीय मदन कुमारी शाह (गरिमा) रहनुभएको थियो भने प्रमुख अतिथिमा सुदुरपश्चिम प्रदेशका मुख्यमन्त्री त्रीलोचन भट्ट रहनुभएको थियो ।
कार्यक्रमको उद्घाटन गर्दै मन्त्री भट्टले जातीय संग्राहलयको बिकास र संरक्षणका लागि प्रदेश सरकारले सक्दो पहल गर्ने र बजेटको अभाव हुन नदिने बताउनुभयो । उहाँले बर्तमान राजनैतिक अवस्थालाई मध्यनजर गर्दै अहिल राज्य स्थिर राजनैतिक मोडमा गैसकेको बताउदै सबै जातजातिलाई समेट्दै अब दिगो बिकासको यात्राका लागि आफू तयार भएको बताउनुभयो ।
त्यस्तै सम्मिलन कार्यक्रमका बिशिस्ट अतिथी रहनुभएका सुदुरपश्चिम प्रदेशका वन, वातावरण, उद्योग तथा पर्यटन राज्यमन्त्री प्रकाश रावलले सांस्कृतिक सम्मिलन कार्यक्रम निकै राम्रो अनि अहिलेको आवश्यकता पनि रहेको बताउदै यसको सकारात्मक प्रभाव पर्नेमा बिश्वस्त रहेको बताउनुभयो । उहाँले सबै जातजाति समान भएको र यस सम्मिलनले पनि सबै जातजातिलाई समेटेर संग्राहलय बनाएकोमा अत्यन्त खुशी भएको बताउदै आगामी आर्थिक बर्षमा यो नेपाल जातीय संग्राहलयका लागि आवश्यक बजेट बिनियोजन गरेर कामलाई तिब्रता दिने दाबी गर्नुभयो ।
जानकी गाउँपालिका वडा नम्बर ९ का अध्यक्ष खगेन्द्र भण्डारीले स्वागत गरेको कार्यक्रमको सञ्चालन संग्रहालयका सचिव तिर्थराज उपाध्यायले गर्नुभएको हो । सम्मिलन कार्यक्रममा पूर्व सामाजिक विकासमन्त्री दिर्घ सोडारी, प्रदेश सभा सदस्य रतन थापा, नन्द बहादुर साँउद, लालबहादुर खड्का, पुर्व माननीय हरि ज्ञवाली, सुकदैया चौधरी, जानकी गाँउपालिका अध्यक्ष प्रदिप चौधरी, गोदावरि नगरपालिकाका उपप्रमुख रत्ना कडायत लगायतले बोल्नुभएको थियो ।
सबै जातजातिका पुराना सांस्कृतिक कुराहरु देखि लिएर भेषभुषा झल्कने विभिन्न सामाग्रीहरु समेत प्रदर्सन गर्दै आगामी पुस्तालाई आफ्नो प्राचीन संस्कृतिबारे ज्ञानका लागि जाती अनुसारका पुराना भवनहरु समेत निर्माण गरिएको नेपाल जातीय संग्राहलयमा यो सम्मिलन कार्यक्रम पहिलो कार्यक्रम हो । पछिल्लो समय यस्तै सांस्कृतिक कुराहरुको जगेर्ना गर्न, लुकेका संस्कृतिको पहिचान गर्न अनवरत रुपमा लाग्नुभएकी महिलानेतृ गरिमा शाहको नेतृत्वमा नेपाल जातीय संग्राहलयको निर्माण भएको हो जसमा सबै राजनीतिक दलका प्रतिनिधि, आम स्थानीयहरु लगायत अन्य नागरिकहरुले सहयोग गरेका छन ।
उहाँले सम्मिलन कार्यक्रममा अवसरमा नेपाल सांस्कृतिक रुपमा धनी भएको तर सांस्कृतिक कुराहरुको जगेर्ना हुन नसकेकाले अब सबैले आआफ्नो क्षेत्रबाट लाग्नुपर्ने बताउनुभयो । उहाँले यस्ता कार्यहरुमा सबै एकजुट हुनुपर्ने र सामाजिक सद्भाव कायम गर्न सबै सकारात्मक हुनुपर्ने र सबैमा भाईचाराको भावना हुनुपर्ने समेत बताउनुभयो । जातीय संग्रहालय परिसर भित्र मगर समुदायका परम्परागत सामाग्री, थारु समुदायका परम्परागत सामाग्री, खस आर्य समुदायका परम्परागत सामाग्री लगायत फोटो प्रदर्शनी, विभिन्न जातजातिका गरगहना प्रदर्शन, खाद्य परिकारहरुको प्रदर्शन, चित्रकला, परम्परागत हस्तकला कार्यक्रमहरु गरिएको छ । आइतबार अर्थात ८ गते मैत्रीपुर्ण भलिबल खेल लगायत कार्यक्रम गरेर सम्मिलनको समापन हुने कार्यक्रम रहेको छ । उद्घाटन कार्यक्रमका अवसरमा स्थानीयहरु लगायत विभिन्न ठाउँबाट आएका थुप्रै मानिसहरुले संग्रहालयको अवलोकन गरेका हुन ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा