सेतो खबर
काठमाण्डौँ, बैशाख ४ । लाइफ इन्स्योरेन्स कर्पोरेशन नेपाल (एलआईसी) ले भर्खरै बजारमा ल्याएको धन वृष्टि योजनाको विक्रीमा ऐतिहासिक रेकर्ड कायम गरेको छ ।
कम्पनीले यो योजना विक्री शुरु गरेको पहिलो दिनमा ५१२२ वटा धन वृष्टि बीमालेखहरु विक्री गरी रु.८.५ करोड प्रथम बीमा शुल्क आर्जन गर्न सफल भएको छ । ऐतिहासिक सफलता प्राप्त गरेको भन्दै कम्पनीले आफनो कर्पोरेट कार्यालयमा केक काटेर मनाएको छ ।
कम्पनीले पहिलो दिनमा कमसेकम देशभरीका शाखा कार्यालयबाट ५००० पोलिसीहरु विक्री गर्ने लक्ष्य राखेको थियो ।कम्पनीले देश भरीका ७४६ अभिकर्ताहरुले धन वृष्टि बीमालेख पहिलो दिनमा विक्री गरेका थिए ।
धन बृष्टि बीमा योजनालाई बीमा समितिका अध्यक्ष चिरंजीवी चापागाँईले गएको चैत्र २९ गते एक कार्यक्रम बिच सार्वजनिक गरेका थिए ।
कम्पनीका प्रमुख कार्यकारी अधिकृत एल.पी.दासले यो पोलिसी खरीद गर्ने सम्पूर्ण पोलिसीहोल्डरहरु, अभिकर्ताहरु र कर्मचारीहरुलाई हार्दिक धन्यवाद ज्ञापन गरे । दासले आउने दिनहरुमा त्यस्तै लोकप्रिय अरु बीमालेखहरु चाडैं बजारमा ल्याउने प्रतिबद्धता जनाए ।
कम्पनीका नायब प्रमुख कार्यकारी अधिकृत अभिजित घोष दस्तिदारले नेपाली बजारमा धन वृष्टि योजना अत्यन्त लोकप्रिय भएको र आउने दिनहरुमा यो योजनाको विक्री बढ्ने विश्वास व्यक्त गरे ।
१३ देखी ६० बर्षसम्म उमेरका व्यक्तिहरुले यो जीवन बीमा योजना लिन सक्नेछन् । कम्पनिले न्यूनतम बीमाङ्क रकम रु। १ लाख कायम गरिएको छ भने अधिकतम बीमाङ्कको सीमा बीमा अन्डरराइटिङ्ग नियमानुसार जति पनि लिन सकिनेछ । यो योजनामा बीमा अवधि १० वा १५ बर्षको हुनेछ । १० वर्षे अवधिको बीमा लिंदा हरेक ३ वर्षमा बीमाङ्कको ३३ प्रतिशत रकम फिर्ता हुनेछ भने १५ वर्षे अवधिमा हरेक ३ वर्षमा बीमाङ्कको १५ प्रतिशत रकम फिर्ता हुँदै जानेछ ।
बीमा परिपक्वतामा अन्तिम फिर्ता हुने रकमको साथमा बीमा अवधिमा आर्जित बोनस रकम एकसाथ प्रदान गरिनेछ । यदि बीमा अवधिमा बीमितको निधन भएमा बीचमा धन फिर्ता गरिएको रकम कट्टा नगरी पुरै बीमाङ्क रकमको साथ आर्जित बोनस रकम इच्छाइएको व्यक्तिलाई प्रदान गरिनेछ ।
न्युन बीमाशुल्क कायम गरिएको यो ‘धनवृष्टि’ योजनामा अधिकतम् ७५ लाख सम्मको दुर्घटना लाभ र स्थायी असक्तता लाभसमेत उपलब्ध छन् । २ वर्षको बीमाशुल्क भुक्तानी पश्चात् बीमितले कम्पनीबाट कर्जा तथा बीमा समर्पण सुविधासमेत लिन सक्नेछन् ।
यसअघि भ्यालेनटाइन डे को अवसर पारेर कम्पनिले “रहने छ साथ, जीवन पश्चात्” भन्ने सन्देशका साथ ‘जीवन साथी’ नामक विमा योजना सार्वजनिक गरेको थियो जसको अपार सफलतापछि कम्पनिले नयाँ वर्ष २०७६ को अवसर पारेर ‘धनवृष्टि’ विमा योजना सार्वजनिक गरेको हो ।
काठमाडाैं । सर्वोच्च अदालतले प्रतिनिधिसभा पुनर्स्थापना गर्ने फैसला गरेको छ। प्रधानन्यायाधीश चोलेन्द्रशमशेर जबरा नेतृत्वको संवैधानिक इजलासमा भएको सुनुवाइपछि... विस्तृतमा
