सिमाना रोईरहेकी यि बच्चिको तस्विरले जित्यो ‘वर्ल्ड प्रेस फोटो’ पुरस्कार, विश्वभर भएको थियो प्रकाशित

अमेरीकी सीमामा एउटा सानो बच्चि असहाय रुपमा रोएको तस्विरले प्रतिष्ठित वल्र्ड प्रेस फोटो पुरस्कार जितेको छ । यो तस्विर त्यो समय लिइएको थियो जब बच्चि र उसकी आमालाई अमेरीकी अधिकारीले पक्राउ गरी जाँचबुझ गरीरहेका थिए ।

पुरस्कार आयोजकका जजहरुले भनेका छन कि अनुभवी गेट्टी फोटोग्राफर जोन मुरले यो तस्विर लिएका हुन्, जब होन्डुरसका नागरीक सैंड्रा साँचेज र उनकी छोरी यनेलाले पछिल्लो बर्ष अवैध रुपमा अमेरीका–मेक्सिको सिमा पार गरेका थिए । यो तस्विरमा देखिने हिंसा सामान्य भन्दा अलग छ, यो मानसिक हिंसा हो ।

रोहीरहेकी बच्चिको यो तस्विर विश्वभरमा प्रकाशित भएको थियो । तब सिमामा कडा जाँच सम्बन्धि अमेरिकाको विवादित नितिको कारण हजारौ प्रवासीहरुलाई उनीहरुको बच्चाबाट अलग गरिएको थियो, जसलाई लिएर विश्वभरमा अमेरीकी सरकारको आलोचनना भएको थियो ।

निर्णायक मण्डलमा समावेश जजले भने कि अमेरिकी सीमा शुल्क र सीमा सुरक्षा अधिकारीहरुले पछि भनेका छन कि यनेला र उनकी आमा अलग भएका थिएनन् । तर सार्वजनिक रुपमा भएको चौतर्फि विरोधले राष्ट्रपति डोनाल्ड ट्रंपले पछिल्लो बर्ष जुनमा त्यो नितिलाई फिर्ता लिएका थिए ।

मुर पछिल्लो बर्ष १२ जुनमा अध्यारो रातमा रियो ग्राण्ड भ्यालीमा अमेरीकी बोर्डर पेट्रोल एजेन्टको तस्विर लिइरहेका थिए, जब ती आमा–छोरी ति मानिसहरुको समुहमा आए, जसले सिमा पार गर्ने कोशिश गरेका थिए । त्यसको केही समयपछि मुरले अमेरीकाको नेशनल पब्लिक रेडियोको प्रसारकको एक साक्षात्कारमा भनेका थिए, मैले उनको अनुहारमा, उनको आँखामा स्पष्ट डर देख्थे ।