सेतो खबरद्वारा प्रकाशित गरिएको हो |
काठमाडौं, चैत्र २४। एचआईभी एड्स संक्रमित ५६ वर्षीय पूर्व राष्ट्रिय फुटबल खेलाडी गोपाल श्रेष्ठ विश्वको सर्वोच्च शिखर सगरमाथा आरोहण गर्ने भएका छन्। एचआईभी एड्स संक्रमितले पनि राष्ट्र र समाजका लागि योगदान गर्न सक्षम छन् भन्ने सन्देश विश्वभर दिने उद्देश्यका साथ श्रेष्ठले विश्वको सर्वोच्च शिखर सगरमाथा आरोहण गर्न लागेको जानकारी दिएका हुन्।
आइतबार काठमाडौंमा पत्रकार सम्मेलन गरी उनले आगामी शुक्रबार सगरमाथा आरोहणका लागि त्यसतर्फ प्रस्थान गर्ने जानकारी गराइएको छ। एचआईभी एड्स संक्रमितले पनि देश र समाजका लागि योगदान दिन सक्षम छन् भन्ने सन्देश दिन आफूले विश्वको सर्वोच्च शिखर सगरमाथा चढने प्रण लिएको एचआईभी एड्स संक्रमित श्रेष्ठले बताए।
विश्वकै एचआईभी संक्रमितलाई अवसर दिए जे पनि गर्न सक्छन भन्ने उद्देश्य आफूले लिएको श्रेष्ठको भनाइ छ। एचआईभी संक्रमित श्रेष्ठले यस अघि सन् २०१५ मा सगरमाथा आरोहण अभियान सुरु गरेपनि सफल भएका थिएनन्।
श्रेष्ठले साहस गरेकाले उहाँलाई सगरमाथा आरोहणको लागि साथ दिइएको आरोहण अभियानका संयोजक विष्णुबहादुर भट्टराईले जानकारी दिए। आरोहणका लागि ४३ लाख ५० हजार खर्च लाग्ने अनुमान गरिएको र त्यसका लागि ३० लाख रुपैयाँ संकलन भईसकेको छ। आरोहण अभियानले एचआईभी संक्रमित श्रेष्ठलाई सगरमाथा आरोहणका लागि सहयोग गर्न पनि सबैलाई आह्वान गरेको छ।
वि. सं. २०८१ सालका विवाह, व्रतबन्ध, अन्नप्राशन, गृहारम्भ, गृहप्रवेश, व्यापारिक प्रतिष्ठा जुर्ने दिनहरू। विवाहको मुहूर्त वैशाख ६ र ७ गते असार २७, २८, ३० र ३१ गते मङ्सिर... विस्तृतमा