अझै रोकिएन टिप्पर आतंक, भक्तपुरमा फेरि लियो युवकको ज्यान

काठमाण्डौ, चैत २२। टिप्परको ठक्करबाट फेरि राजधानीमा एकजनाको ज्यान गएको छ । बिहीबार राति भक्तपुरको जडिबुटीको पेट्रोल पम्प अगाडि बा ४९ प ७४४५ नम्बरको स्कुटरलाई टिप्परले ठक्कर दिँदा सिन्धुलीको भिमानका बालकृष्ण कार्कीको ज्यान गएको प्रहरीले जनाएको छ ।

तीनजना चढेको स्कुटरमा रहेका सर्लाहीका जुनबहादुर आचार्य र रौतहटका भरत कार्की घाइते हुनुभएको छ । ठक्कर दिएको टिप्परको खोजी भइरहेको पनि प्रहरीले जनाएको छ ।

सरकारले साउन १ गतेबाट ट्रिपरलाई रातिको समयमा मात्र चलाउन पाउने नियम ल्याएको थियो।