सेतो खबरद्वारा प्रकाशित गरिएको हो |
यज्ञराज उपाध्याय / बारा, चैत १८ । आइतबार बेलुवा तराईको बारा, पर्सा लगायतका ठाउँमा चलेको भीषण हावाहुरीका कारण धेरै मानवीय क्षति र धनजनको क्षति भएको छ । बारामा मात्र २६ जनाको मृत्यु भएको प्रहरीले जनाएको छ । ज्यान लिने गरि चलेको आंधीहुरिबाट घर भत्किएर कति मानिसहरु भासिएका छन भने ५ सय भन्दा बढी घाइते भएको जिल्ला प्रहरी कार्यालय बाराले सेतो खबरलाई जानकारी दिएको छ । त्यस्तै पर्सामा १ जनाको मृत्यु भएको छ । मृत्यु हुनेको संख्या अझै बढ्न सक्ने प्रहरीले अनुमान गरेको बताएको छ ।
विनाशकारी र अकल्पनीय घटनाबाट ज्यान गुमाएकाहरु सनाखत हुन बाकी नै छ र घाइते भएकाहरुको उद्दार कार्य जारी छ । राती देखि नै नेपाल प्रहरी, शसस्त्र प्रहरी, सेना परिचालन गरेर उद्दार भैरहेको बारा प्रहरीले जानकारी दिएको छ ।
हुरिका कारण घरका छानाहरु उडाउनुका साथै, बिजुली, टेलीफोनका पोलहरु भाचिएका र कतिपय घरहरु भत्किएका र भासिएका पनि छन । सडकमा गुडिरहेका यात्रुवाहक र मालवाहक लगायत साना गाडीहरु समेत दुर्घटनाग्रस्त भएका छन । हुरिका कारण धेरै जनधनको पनि क्षति भएको छ भने धेरै भवनहरु, पुरातात्त्विक कुराहरुमा क्षति पुर्याएको छ । त्यस्तै ज्यान गुमाउनेहरुको संख्या पनि बढ्दै गएको छ ।
साझ हुरि गएको समयमा ५ जना ज्यान गुमाएकाहरु पत्ता लागेका थिए भने त्यसको एक घण्टामै २० जना पत्ता लागेका थिए । बिहान सम्म ३२ जनाको मृत्यु भएको प्रहरीले पत्ता लगाएको बारा प्रहरीको भनाइ छ । घाइतेहरुको संख्या पनि बढ्दो क्रममा छ । त्यसै कारण बारा र पर्सा जिल्लाका सिडिओले अस्पतालमा घाइतेहरुको निशुल्क उपचारका लागि निर्देशन दिएको बताईएको छ । सबै घाइतेहरुलाई विभिन्न अस्पताल भर्ना गरिएको छ भने केहिलाई भर्खर अस्पताल लगिदै छ ।
तराईका प्रायः कुनै पनि अस्पताल खाली छैनन । अस्पतालहरुका अनुसार प्रायः बिरामीहरुलाई रगतको अभाव परिरहेको छ । गम्भीर घाइते भएकाहरुलाई काठमाडौ वा अलि राम्रो अस्पताल रेफर गरिएको छ ।
प्रधानमन्त्री केपि शर्मा ओलिले उद्दारमा खटिनका लागि सबैलाई आव्हान गर्दै हिजो साझदेखी अहिलेसम्म ३ पटक ट्विट गरिसकेका छन । उनले यो घटनाबाट घाइते भएकाहरुको उपचारमा कुनै कमि नहुन पनि निर्देशन दिएका छन ।
काठमाडौँ, २९ फागुन । तीन वर्षअघि नवलपरासीको सुस्ता गाउँपालिका-५, रतनगञ्जका ६५ वर्षीय रामशुभग मुसहर मिटरब्याजी साहुबाट आफूहरूमाथि अन्याय भएको गुनासो लिएर पहिलो पटक... विस्तृतमा